Search
519-1400
Hafa samband

Okkar þjónusta

Við leggjum metnað okkar í að veita persónulega og sveigjanlega þjónustu sem er sniðin að þörfum og óskum hvers og eins. Markmið okkar er einfalt: að skapa raunverulegt öryggi, traust og vellíðan fyrir þá sem treysta á okkur.

Hjá okkur starfar öflugur og fjölbreyttur hópur fólks sem vinnur náið saman og starfar eftir skýrum og ábyrgum verkferlum. Þannig tryggjum við stöðug gæði, samfellu í þjónustu og faglega nálgun í hverju verkefni.

Við bjóðum einnig upp á að bæta við sérhæfðu fagfólki, svo sem þroskaþjálfum og hjúkrunarfræðingum, þannig að þjónustan þróist í takt við þarfir hvers verkefnis.

Til að tryggja framúrskarandi þjónustu leggjum við ríka áherslu á símenntun, þjálfun og faglega þróun starfsfólks. Það gerir okkur kleift að bregðast hratt við og veita þjónustu sem virkar. 

solarhhringsthjnnusta2
Sólarhringsþjónusta
Sinnum heimaþjónusta veitir sólarhringsþjónustu. Í því felst t.d. að fyrirtækið útvegar starfsfólk til að vera hjá skjólstæðingum yfir nóttina krefjist aðstæður þess.
stod_og_studningstjonusta
Umönnun og aðstoð
Um er að ræða mjög víðtæka þjónustu sem felur í sér hverja þá aðstoð sem notandi þjónustunnar þarf við atferli daglegs lífs. Hægt er að fá fjölbreytta umönnun og aðstoð, svo sem við að fara á fætur, taka lyf, sinna persónulegri umhirðu, böðun o.s.frv.
stod-studnings-1
Stoð- og stuðningsþjónusta
Starfsmenn Sinnum heimaþjónustu veita hvers kyns heimahlynningu og heimahjúkrun. Unnt er að fá aðstoð frá hjúkrunarfræðingum, þroskaþjálfum, sjúkraliðum eða öðrum heilbrigðisstéttum, allt eftir því hverjar þarfir einstaklingsins eru hverju sinni.
Menning og afþreying
Menning og afþreying
Um er að ræða persónulegan stuðning og aðstoð innan heimilis eða utan til að rjúfa félagslega einangrun og auka virkni einstaklingsins. Hvers kyns samvera getur verið mikilvæg og starfsmenn Sinnum veita með mikilli ánægju aðstoð við bókalestur, bíóferðir, leikhúsferðir, ferðalög eða annað sem styttir stundir.
hreyfing-sinnum-sumar
Hreyfing
Hreyfing getur breytt sköpum þegar kemur að andlegri og líkamlegri vellíðan, hún bætir heilsu og eykur líkur á hollum lífsstíl. Starfsfólk okkast aðstoðar við þjálfun líkt og styrktaræfingar, gönguferðir og sundferðir eða hverja þá hreyfingu sem skjólstæðingar okkar velja sér.
Utrettingar3
Útréttingar
Hægt er að fá aðstoð við hvers kyns útréttingar eða viðvik eins og að fara til læknis og versla inn. Eins sækjast sífellt fleiri eftir aðstoð við að versla á Netinu. Starfsmenn Sinnum heimaþjónustu geta bæði tekið að sér að annast slík viðvik eða veitt notendum stuðning við að gera slíkt sjálfir, svo sem með því að keyra viðkomandi og aðstoða hann við að komast leiðar sinnar.
Thrif_heimilisadstod
Þrif og heimilisaðstoð
Starfsfólk Sinnum sinnir þrifum og annarri heimilisaðstoð tímabundið eða til lengri tíma, allt eftir aðstæðum. Í því felst almenn tiltekt, afþurrkun, þvottur, rúmfataskipti, þrif á gólfum, baðherbergi, skápum, gluggum og annað sem getur fallið til.
Máltíðir og næring
Máltíðir og næring
Veitt er aðstoð við undirbúning og frágang vegna máltíða og ráðgjöf og aðstoð við að nærast. Einnig er veitt aðstoð við skipulag og innkaup vegna máltíða. Fyrir eldra fólk sem er veikt eða borðar lítið þarf að gera einstaklingsbundnar ráðstafanir til að uppfylla næringarþörf og koma í veg fyrir vannæringu. Góð næring stuðlar að góðri heilsu og vellíðan.
Stuðningur við Aðstandendur
Stuðningur við aðstandendur
Komi upp þær aðstæður að aðstandendur ná ekki að sinna sínum nánustu með þeim hætti sem þeir kjósa, svo sem vegna anna eða fjarveru, þá hlaupa starfsmenn Sinnum heimaþjónustu í skarðið hvort sem er til lengri tíma eða skemmri.

Við sinnum þjónustu allan sólarhringinn

Skráðu þig á póstlistann okkar