VINNUPRÓFANIR

Vinnuprófanir Sinnum

Vinnuprófun Sinnum veitir fólki tækifæri til að kanna stöðu sína, setja sér raunhæf markmið og prófa sig í vinnu við raunverulegar aðstæður. Vinnuprófanir eru ætlaðar öllum þeim sem hafa verið utan vinnumarkaðar í einhvern tíma, svo sem vegna veikinda eða langtímaatvinnuleysis. Vinnuprófunin fer fram með stuðningi fagaðila sem fylgja einstaklingnum frá upphafi til enda.

Lögð er áhersla á að greina stöðu þátttakenda svo sem út frá spurningum eins og:

  1. Hve mikið geturðu unnið og hvað hentar þér best?
  2. Hefurðu verið frá vinnu um lengri eða skemmri tíma?
  3. Langar þig að komast í starf sem hentar þér og þinni færni og getu?
  4. Viltu sjá jákvæðar breytingar á þínu lífi?

Hjá Sinnum þekkjum við þessar ólíku aðstæður vel, að skrefin inn á vinnumarkað á ný eftir vikur, mánuði eða ár geta verið þung. Þess vegna bjóðum við heildarlausn og stuðning sem skilar sér í jákvæðum breytingum á þínu lífi.

Vinnuprófun Sinnum skiptist í nokkra þætti:

  • Vinnuprófunin sjálf, valin með tilliti til þarfa og markmiða hvers og eins.
  • Þú færð tækifæri til að prófa þig áfram í starfi.
  • Viðtöl við fagaðila, staðan skoðuð reglulega, rætt um upplifun þína, verkefni, vonir og leiðir til árangurs.
  • Sjálfstyrkingarverkefni sem þú tekur með þér heim og vinnur á þínum hraða og á þínum forsendum.
  • Virkniefling sem felst í því að skoða og auka hreyfingu og virkni almennt.
  • Markmiðasetning; skammtíma- og langtíma- markmið.

 

Með stuðningi og ráðgjöf fagaðila er lögð áhersla á að greina heildarstöðu eintaklingsins og hvetja og aðstoða viðkomandi við að sækjast eftir uppbyggilegri vinnu sem hentar getu og þörfum viðkomandi.

Sinnum er með samning við Virk Starfsendurhæfingarsjóð um vinnuprófanir. Í því felst að ráðgjafar Virk um allt land geta nú á grundvelli þessa samnings boðið einstaklingum sem hafa verið utan vinnumarkaðar, svo sem vegna veikinda, að prufa sig áfram í vinnu með aðstoða sérfræðinga hjá Sinnum. Almennt er hver vinnuprófun um 6 vikur og er hún greidd af Virk og er þátttakendum að kostnaðarlausu.